Cetti masculi - di Matilde Messina

cettu ca' i masculi su propri strani!?
si maritunu na bedda figghia
tutta casa e chiesa
acqua e sapuni
frisca e ingenua sa pigghia

brava picciridda ,mi fa' attruvari
a tavula cunzata
a cammisa profumata
frisca a to risata
ne linsola cunsulata

si a mia ,a me vita
u me amuri a me amanti
me stidda u me sustegnu
sempri ca' iu ti tegnu
si speciali non ci sunu uguali

beni .... ,

appena fora di sta casa
ti piaciunu i pizzi e i merletti
fimmini attruccati
non troppu immaculati
na taliata ,na risata
ora n'ucchiata
poi na vasata

attentu figghiu !!
chissa è fimmina
spetta ,u so profumu non è
di frisca biancheria
ma di profumeria

e su è veru ca Diu
fici prima a tia e poi a mia
u sai chi ti ricu ?
arrivodditi , ca la fimmina
ci rissi o so cumpagnu
mangiamini stu fruttu
tantu iu non mi scantu .

Matilde Messina .