I pinseri - di Matilde Messina

Ah sti pinseri ca' mi stanu
ammazzannu ,ma unni
hata ghiri furiannu?

appena mi cuccu
e a luci vaiu astutannu
plaff !!! attoppulunu
senza chiù scantu

au nesciunu tutti senza
mancu addumannari
su ponu trasiri
o sannunca aspittari

casa ,luci ,acqua
mangiari , viri ca non ni
poi scuddari !!!
a unu a unu e senza ammuttari

io son la tua dimora !
bhe ! cettu a chissa
l'hama accuntintari
e i soddi s'ana attruvari

io t'illumino non mi vorrai astutari
cettu, cettu macari a tia hama
pinsari

io ti tengo pulita
non son da meno
ca' cettu ci mancassi chi fa' fitemu ?

poi mi passunu davanti
pani, pasta, canni, tutti
sustanzi, cettu pa' panza
ciama pinzari
non nu putemu
scuddari

ma na cosa cca
mi fa divintari niura
comu ntizzuni
u sapiti chi sunu ?
sugnu sicura
ca' tutti ci putiti
arrivari

siii sunu iddi
ddi soddi ca
sana attruvari
ppi darici a mangiari
a sti gran mangiatari .

Matilde Messina