Maria - di Matilde Messina

Maria giniusa

giovani e timurata
ppi tutti immaculata
longa è a so' strada
Maria addulurata ppi
nfigghiu misu ncruci

ancora picciuttedda, ci rissi
all'angileddu ,sugnu priparata
aspettu dda nuttata
e
cù na stidda lucenti
nfaro de nostri tempi
ddra musica suadenti
sunata ccu li trummi
ppi tutta a so genti
'mpatri taliava mbambulatu
senza cchiù aviri ciatu

e diceva nda so' menti
l'haia diri a tutta a genti
oggi nasciu mbambineddu
vinni comu mpastureddu
anura ni stà stadda
Gesù, l'hama chiamari,
pozzu a tutti tistimuniari
u putiri ca' po' aviri
u nostru Signuri u Ridinturi
 

Matilde Messina 22 / 12 / 2013